Ordu.az xəbər verir ki, bunu bu gün Ermənistan parlamentində jurnalistlərlə söhbətində parlamentin müdafiə və təhlükəsizlik məsələləri üzrə daimi komissiyasının sədri Andranik Köçəryan “Vətəndaş Müqaviləsi” partiyasından olan deputat Hayk Sarkisyanın ittihamlarına münasibət bildirərkən deyib.

Sarkisyan iddia edib ki, Andranik Köçəryan ona ABŞ-dən qayıdandan sonra layihəni keçirəcəklərini deyib, lakin geri döndükdən sonra həmin layihəni ilk dəfə gördüyünü bildirib.

“Burada deyildim, amma gəldim və məlum oldu ki, onun dövriyyəyə buraxdığı bu qanun layihəsi çox problemlidir və fraksiya ona qarşı səs verib, o özü də. Mən də bunu xatırlatdım. Tarixdə ilk dəfə görürəm ki, bir şəxs öz təşəbbüsünə qarşı səs verir”, - deyə o qeyd edib.

Sarkisyanın layihənin çox vacib olduğunu və buna görə də Köçəryanın qayıdışını gözləmədən komissiyada müzakirə edilməsində israr etdiyini bildirməsinə cavab olaraq Köçəryan deyib: “Nə vacib idi ki, ordudan pulla azad olsunlar? Siz Hayk Sarkisyandan müsahibə götürməyə davam edin. Siz hazırda müdafiə komissiyasının sədri ilə danışırsınız və o, təbii ki, pulla ordudan azad olunmağa qarşı olmalı idi”.

Bəzi şəxslərin vətəndaşlıqdan imtina edərək xidmət etməməsi və bu sayın 3000-ə çatması ilə bağlı arqumentə münasibət bildirən Köçəryan deyib: “Hansı şəxslərdən söhbət gedir, qoy siyahını təqdim etsin. Bu rəqəmlər çox mübahisəlidir. O, bu layihəni təqdim edərkən 2009-2010-cu illərlə bağlı elə rəqəmlər göstərirdi ki, əgər onlara əsaslansaq, belə çıxır ki, ordu 50% mövcud deyilmiş. Fraksiyada müzakirə zamanı o, həmin rəqəmlər əsasında müəyyən nəticələr çıxarırdı, lakin son iki ildə çağırışçıların sayı artır. Bu nə ilə bağlıdır?”.

Alpər Mövludoğlu
Ordu.az