Ordu.az xəbər verir ki, bu barədə Rusiya prezidentinin mətbuat katibi Dmitri Peskov bildirib.

“Biz tərəfdaşlarımızla izah etməyə çalışmaq, onların planlarını həqiqətən müzakirə etmək hüququnu özümüzdə saxlayırıq [qarşıdan gələn seçkilər kontekstində]”, - deyə Peskov bildirib.

Rusiya prezidentinin mətbuat katibi həmçinin qeyd edib ki, Rusiya və Ermənistan yaxın ölkələrdir və Moskva Ermənistan rəhbərliyinin istiqamətləri ilə bağlı böyük maraq göstərir.

“Ermənistan bizim üçün yaxın ölkədir, onunla dərin tarixi köklərimiz var. Burada 2 milyondan çox insanın yaşadığı böyük erməni diasporu mövcuddur. Buna görə də Ermənistan rəhbərliyinin seçdiyi istiqamətlər bizim üçün böyük maraq kəsb edir”, - deyə Peskov bildirib.

Daha əvvəl, aprelin 1-də Kremlin binasında Ermənistanın Baş naziri Nikol Paşinyanla danışıqlar zamanı Rusiya prezidenti Vladimir Putin ümid etdiyini bildirmişdi ki, Ermənistanın rusiyapərəst siyasi qüvvələri seçkilərdə iştirak edə biləcəklər.

Rusiya rəhbəri həmçinin qeyd etmişdi ki, “onların çoxu azadlıqda deyil, halbuki Rusiya pasportlarına malikdirlər”.

Alpər Mövludoğlu
Ordu.az