Ordu.az xəbər verir ki, bu barədə Ermənistanın “Past” nəşri yazıb.

Nəşrə görə, ekspertlər hesab edirlər ki, aşağı reytinqə malik siyasi qüvvələrin seçkilərdə ayrı-ayrılıqda iştirak etməsi səslərin parçalanmasına səbəb ola bilər və bu, nəticədə hakimiyyətin mövqelərini gücləndirir.

“Bu seçkilərdə seçici fəallığı həlledici rol oynayır. Mütəxəssislərin fikrincə, yüksək iştirak səviyyəsi hakimiyyətin yenidən formalaşmasının qarşısını ala biləcək əsas amildir.

Müxalifətin əsas vəzifəsi yalnız seçkilərdə iştirak etmək deyil, həm də seçiciləri səfərbər etməkdir. Yalnız bu halda real rəqabət yaratmaq və hakimiyyətin mövqelərini zəiflətmək mümkündür”, - deyə nəşr qeyd edib.

Müəllif vurğulayıb ki, eyni zamanda, kiçik partiyaların ayrıca iştirak etməsi əks nəticə verə bilər.

“Bu, parçalanmanı artırır və səslərin qeyri-effektiv bölüşdürülməsinə səbəb olur. Bu baxımdan, müxalifətin əsas qüvvələr ətrafında birləşməsi siyasi balansı dəyişdirə biləcək əsas faktor kimi qiymətləndirilir. Əks halda, əvvəlki seçkilərdə olduğu kimi, kiçik faizlər toplayan qüvvələr real siyasi təsirə malik olmur və nəticə etibarilə hakimiyyətin xeyrinə işləyir.

Bununla belə, tam birləşmə mümkün olmasa belə, ən azı bəzi məsələlərdə konsensus əldə olunmalıdır. İlk növbədə, müxalif qüvvələrin bir-birinə qarşı mübarizə aparması və qarşılıqlı zərbə vurması aradan qaldırılmalıdır. Əks halda, bu da yenidən hakimiyyətin mövqelərinin güclənməsinə xidmət edəcək”, - deyə nəşr qeyd edib.

Alpər Mövludoğlu
Ordu.az