Ordu.az xəbər verir ki, bunu Azərbaycan məsələləri üzrə erməni ekspert Tatevik Hayrapetyan yazıb.
“Bununla belə, Paşinyan özü hakimiyyətdə qalacağı halda Ermənistanı nələrin gözlədiyini demir. Bunu anlamaq üçün sadəcə faktlara və bəyanatlara baxmaq kifayətdir: bunun üçün kəşfiyyat məlumatlarına və ya konspirologiya nəzəriyyələrinə ehtiyac yoxdur.
Beləliklə, hazırda bizə məlum olanlara görə, əgər “Dövləti dağıdaq” siyasi qüvvəsi hakimiyyətdə qalarsa:
Ermənistan Konstitusiyasını İlham Əliyevin tələbinə uyğun dəyişməyə cəhd ediləcək. Ermənistanda mətni Azərbaycandan diktə olunan Konstitusiya formalaşdırılacaq.
İyrənc, təhlükəli və cəmiyyəti parçalayacaq anti-kilsə kampaniyası davam edəcək və yeni inkişaf mərhələsi alacaq. Bu, seçki dövründə sadəcə müvəqqəti dayandırılıb, çünki Paşinyanın əleyhinə işləyirdi”, - deyə Hayrapetyan qeyd edib.
O bildirib ki, Qarabağ mövzusu ilə bağlı elmi, ictimai, tədqiqat və digər xarakterli bütün nəşrlərə qarşı mübarizə davam edəcək.
“Bu, həm də mədəniyyət və incəsənət sahəsinə yayılacaq. Qarabağ, orada baş vermiş müharibə və digər məsələlərə tabu qoyulacaq. Bu da Azərbaycanın tələbidir.
Erməni tarixinin, milli kimliyin, rəmzlərin və ideoloji müxtəlif dayaqların əleyhinə mübarizə davam edəcək. Bizi və dövlətimizi ideoloji baxımdan məhv etməyə yönəlmiş tezis daha da güclənəcək.
Erməni ordusunun, döyüşün, qəhrəmanlığın və fədakarlığın dəyərdən salınması davam edəcək. Tamamilə ideologiyasız bir vəziyyət formalaşdırılacaq, burada döyüş və müqavimət mənasız görünəcək.
Bütün bunlardan sonra xüsusi hazırlıq keçmiş azərbaycanlıların müharibə təhlükəsi və sülh dövrünün mühafizəçiləri əsaslandırması ilə Ermənistana daxil olması başlayacaq. Ermənistanda qeyri-sabit və partlayış təhlükəli vəziyyət yaradılacaq. Paşinyanın və onun komandasının Qərbi Azərbaycan konsepsiyasını aktiv şəkildə legitimləşdirməsi bu bəndin həyata keçirilməsinin ən yaxşı sübutudur”, - deyə erməni ekspert bildirib.
Hayrapetyan qeyd edib ki, nəticədə ideologiyasız, zəiflədilmiş və müqavimət qabiliyyətindən məhrum edilmiş erməni cəmiyyətinin böyük hissəsi sadəcə çamadanlarını yığır və öz ölkəsini sakit şəkildə təhvil verir.
“Yəni Nikol Paşinyan hakimiyyətdə qalarsa, Ermənistan milli dövlət olmağı dayandırır: o, Azərbaycanın nəzarəti altında olan bir əraziyə çevrilir. Və bu, təəssüf ki, şişirtmə deyil.
Hazırda baş verən proseslərə, müzakirələrə, Azərbaycan tərəfi ilə söz və hərəkətlərin tam sinxronluğuna baxın və anlayacaqsınız ki, niyə bizi müharibə ilə hədələyirlər ki, hakimiyyətdə qalsınlar. Hakimiyyətdə qalmaq məsələsi və bu mövzuda İlham Əliyevdən dəstək istəmək mövzusu məhz Azərbaycan proqramlarının həyata keçirilməsinə xidmət edir. “Dövləti dağıdaq” məhz bunu erməni cəmiyyətinə səmimi şəkildə demək istəmir. Halbuki bunu deyir, sadəcə anlamaq lazımdır…”, - deyə o bildirib.
Alpər Mövludoğlu
Ordu.az
