Ordu.az xəbər verir ki, SFIRR adlı bu sistem mövcud raket sistemlərindən daha yüngül, çevik və böyük döyüş başlıqları daşıya biləcək şəkildə layihələndirilib.

Sınaq nəticəsində sübut olunub ki, qatı yanacaqla işləyən SFIRR sistemi daha mürəkkəb və bahalı olan maye yanacaqlı ramjet mühərriklərinə alternativ olaraq sürətli və effektiv döyüş həlli təqdim edir. Prototip raketin cəmi 12 ayda hazırlanması isə ABŞ hərbi sənayesinin sürətli prototipləmə qabiliyyətini nümayiş etdirib.

Enerji Sistemləri üzrə direktor müavini Efrayim Vaşbörn bildirib ki, bu texnologiya yalnız köhnə bir ideyanın yenidən təqdimatı deyil, eyni zamanda müasir müharibənin real tələblərinə cavab verən operativ həldir.

Sınaqdan sonra layihənin sürətlə genişləndirilməsi və operativ tətbiqə keçməsi məqsədilə sənaye və akademik tərəfdaşlarla işlər davam etdirilir.

Sevinc Əliyeva
Ordu.az