Ordu.az xəbər verir ki, Nigeriya Hərbi Hava Qərargahının rəisi, aviasiya marşalı Hassan Bala Abubakarın başçılıq etdiyi yüksək səviyyəli nümayəndə heyəti aprelin 20-25-də Çinə səfəri zamanı ikitərəfli müdafiə əməkdaşlığını genişləndirməyi, Nigeriyanın radar və raketdən müdafiə infrastrukturunu gücləndirməyi hədəfləyib.

Nümayəndə heyəti Pekin, Hefey, Nankin və Sian şəhərlərində təmaslar keçirib, Çinin aparıcı müdafiə sənayesi şirkətləri CETC (China Electronics Technology Group Corporation) və NORINCO-nun (China North Industries Corporation) rəhbərləri ilə görüşüb.

Müzakirələrdə diqqət Nigeriyanın hərbi radar əhatəsi proqramı olan MTRACON çərçivəsində lazım olan texnologiyalara yönəldilib.

Çin rəsmiləri yüksək enerjili lazer sistemləri, əvvəllər Afrika və Asiyaya ixrac edilən "Sky Dragon" HHM sistemi də daxil olmaqla, müxtəlif sistemləri nümayəndə heyətinə təqdim ediblər.

Səfərin bəzi hissələrində nümayəndə heyətini təmsil edən aviasiya generalı Süleyman Kəbir Usman Çin sistemlərinin texniki imkanlarını yüksək qiymətləndirib.

Usman qeyd edib ki, davamlı əməkdaşlıq proqramları üçün Çin şirkətləri ilə uzunmüddətli qarşılıqlı əlaqə lazımdır.

Sevinc Əliyeva
Ordu.az