Ordu.az xəbər verir ki, Yaponiya ordusunun Birgə Əməliyyatlar Komandanlığı Yaponiyanın quruda, dənizdə və havada özünümüdafiə qüvvələri arasında koordinasiyanı asanlaşdıraraq, hücum halında daha effektiv və vahid reaksiya verməyə imkan verəcək.

Əvvəllər Yaponiyanın Baş Qərargah rəisi hərbi bölmələrin birgə işləməsini təmin etmək üçün məsuliyyət daşıyırdı. Bu vəzifəyə ordu əməliyyatları ilə bağlı müdafiə nazirinə məsləhət vermək də daxildir.

Lakin 2011-ci ildə baş verən zəlzələ və sunami xüsusilə irimiqyaslı böhranlar zamanı Baş Qərargah rəisinə həddən artıq tələblərin olduğunu üzə çıxarıb.

Yaponiya təhlükəsizlik mənbələrinin bildirdiyinə görə, belə bir komandanlığın yaradılması qərargah rəisinə diqqətini müdafiə nazirini dəstəkləməyə yönəltməyə imkan verəcək, eyni zamanda yeni komanda strukturu münaqişələr zamanı daha sürətli qərarların qəbul edilməsini və cavab tədbirlərini asanlaşdıracaq.

Hərbi ekspertlərin fikrincə, müasir müharibə şəraitində hərbi hissələr arasında sıx əməkdaşlıq onların ümumi məqsədə doğru birgə hərəkət etməsini təmin etmək üçün çox vacibdir.

Birləşmiş Ştatlar, Çin və bir çox başqa ölkələr də koordinasiyanı artırmaq və münaqişələrdə onların operativ effektivliyini artırmaq üçün birgə komandanlıq strukturlarını tətbiq ediblər.

Yaponiyada Ordunun Birgə Əməliyyat Komandanlığı xüsusilə regional rəqibləri olan Çin və Şimali Koreya ilə gərginliyin artmaqda davam etdiyi bir vaxtda ordunu “daha bacarıqlı döyüş qüvvəsi” kimi gücləndirməyi hədəfləyir.

Sevinc Əliyeva
Ordu.az