Ordu.az-ın Washington Post-a istinadən verdiyi məlumata görə, ABŞ rəsmiləri ABŞ-Meksika sərhədinə əlavə olaraq minlərlə hərbçi, o cümlədən 20 tonluq Stryker zirehli transportyorları ilə təchiz edilmiş piyada bölmələri göndərməyi planlaşdırır.

Mənbələr bildirir ki, ümumilikdə 10 minə qədər hərbçinin, o cümlədən 82-ci hava-desant diviziyasının əsgərlərinin sərhədə köçürülməsi müzakirə edilir.

Bundan əvvəl ABŞ administrasiyası sərhədin qərb hissəsinə 4000 hərbçinin, helikopterlərin və hərbi kəşfiyyat bölmələrinin yerləşdiriləcəyini açıqlamışdı.

Qeyd edək ki, yanvarın 20-də ABŞ Prezidenti Donald Tramp sərhəd təhlükəsizliyi üçün fövqəladə vəziyyət elan edib. O, bunun qeyri-qanuni miqrantların ölkəyə "fəlakətli hücumuna" qarşı mübarizə aparmaq məqsədilə cənub sərhədinə əlavə qoşun göndərilməsinə imkan yaradacağını bildirib.

Ordu.az