Ordu.az xəbər verir ki, bu barədə “Atlantic Council” nəşri məlumat yayıb.

Nəşr qeyd edib ki, bu addım Ər-Riyadın Qərbin hərbi təchizatından asılılığını azaltmaq və yerli müdafiə sənayesini inkişaf etdirmək hdəflərinə uyğundur.

“Türkiyə Aviasiya və Kosmos Sənayesi (TUSAŞ) tərəfindən inkişaf etdirilən “Kaan” döyüş təyyarəsi Türkiyənin köhnəlmiş F-16 parkını əvəz etmək üçün dizayn edilib. İlk uçuşunu 2024-cü ilin fevral ayında həyata keçirən təyyarə çoxfunksiyalı qabiliyyətləri, aşağı radara görünmə qabiliyyətini təmin edən stels dizaynı və gələcəkdə altıncı nəsil texnologiya ilə təkmilləşdirilə biləcək quruluşu ilə diqqət çəkir. “Kaan”ın 2028-ci ildə kütləvi istehsala keçməsi planlaşdırılır”, - deyə nəşr bildirib.

Müəllif vurğulayıb ki, Səudiyyə Ərəbistanının “Kaan”a marağı xüsusilə ABŞ-nin F-35 döyüş təyyarələrini almaq cəhdlərindən məyus olmasından irəli gəlir.

“ABŞ Konqresinin Yaxın Şərq ölkələrinə silah satışına tez-tez məhdudiyyətlər qoyması, İsrailin keyfiyyətcə hərbi üstünlüyünə üstünlük verməsi Ər-Riyadı alternativlər axtarmağa vadar edib”, - deyə nəşr əlavə edib.

Sevinc Əliyeva
Ordu.az