Ordu.az xəbər verir ki, FSK-nin sosial media hesabında Türkiyə hərbi qulluqçularının kosovalı hərbi qulluqçulara verdiyi təlimlə bağlı paylaşım edilib.

Paylaşımda bildirilib ki, Türkiyə Silahlı Qüvvələri ilə əməkdaşlıq çərçivəsində FSK-nin əməliyyat qabiliyyətini artırmaq məqsədilə Türkiyə ordusunun təlimatçıları tərəfindən kosovalı hərbi qulluqçulara snayper təlimi keçiblər.

2009-cu ildə Kosovoda və sərhəddən kənarda böhranların idarə edilməsi əməliyyatlarını təmin etmək, mülki müdafiə əməliyyatlarında, təbii fəlakətlər və digər fövqəladə hallarda xidmət göstərmək üçün yaradılan FSK-nin silahlı qüvvəyə çevrilməsi prosesinə 2018-ci ildə hüquqi dəyişikliklərlə start verilib.

Prosesin 10 il çəkəcəyi gözlənilir.

1999-cu ildən KFOR tərkibində Kosovoda xidmət edən Türkiyə həbi qulluqçuları FSK-nin silahlı qüvvəyə çevrilməsi prosesinə müxtəlif töhfələr veriblər. FSK-nin hərbi inventarında çoxlu sayda Türkiyə istehsalı məhsullar var.

Sevinc Əliyeva
Ordu.az