Ordu.az xəbər verir ki, ABŞ Hərbi Dəniz Hava Sistemləri Komandanlığı (NAVAIR) AGM-158C uzun mənzilli gəmi əleyhinə raketlərinin (LRASM) əsas podratçısı “Lockheed Martin” ilə raketin C-1 variantını F-15E “Strike Eagle” və F-15EX “Eagle II” döyüş təyyarələrinə inteqrasiya etmək üçün müqavilə üzrə danışıqlar aparmaq niyyətində olduğunu açıqlayıb.

Konformal yanacaq çənləri (CFT) və böyük daxili yanacaq yükləri sayəsində əhəmiyyətli mənzilə malik olan F-15E və F-15EX LRASM ilə təchiz olunduqda, böyük müharibə şəraitində ABŞ ordusunun havadan gəmi əleyhinə zərbələr endirmək qabiliyyətini artıracaq.

“Strike Eagle” və “Eagle II”nin yük qabiliyyəti hər iki təyyarəyə eyni vaxtda əhəmiyyətli sayda AGM-158C gəmi əleyhinə raketini daşımağa imkan verə bilər.

ABŞ Hərbi Hava Qüvvələri F-15E döyüş təyyarəsinə 5 ədəd JASSM yükləyərək, atış sınağı həyata keçirib.

Sevinc Əliyeva
Ordu.az