Ordu.az “İnterfax” agentliyinə istinadən xəbər verir ki, bu barədə Birləşmiş Gəmiqayırma Korporasiyasının rəhbəri Aleksey Rəhmanov bəyan edib.

“Rusiyanın yeganə avaidaşıyıcısı 30 il öncə tikilib. Təmir çərçivəsində artıq onun bir sıra hissə və mexanizmlərinin yararsız olduğunu bəlli etdik. Bu hissələri dəyişmək lazım olacaq”, - deyə Rəhmanov bildirib.

O qeyd edib ki, aviadaşıcıyı modernləşmədən sonra “Poliment-Redut” uzaqmənzilli raket sistemi ilə təchiz ediləcək. Bu günədək gəminin silahlanmasında yalnız hava hücumundan müdafiə kompleksləri – “Kinjal” və “Kortik” yer alır.

“Gəminin təmiri və təchizatı 60 milyard rubla başa gələcək. Lakin bundan sonra artıq gəmini 20 il istifadə etmək mümkün olacaq”, - deyə Rəhmanov vurğulayıb.

Ağalar Qəribov
Ordu.az