Ordu.az erməni KİV-lərinə istinadən xəbər verir ki, bunu rusiyalı politoloq Aleksandr Skakov bildirib.

Rusiyalı politoloq, ölkəmizin Rusiyadan asılı olmadığını və digər ölkələrdən silah almaq üçün variantlarının olduğunu deyib: "Rusiyadan başqa, Azərbaycanın silah almaq üçün başqa variantları var. Məlum olduğu kimi, bu İsrail və silah satan digər ölkələrdir. Belə ki, Azərbaycan bu baxımdan bizdən asılı deyil".

Skakov eyni zamanda bildirib ki, Ermənistanda Rusiya hərbi bazasının mövcud olması nəzərə alınmalıdır.

"Bu vəziyyətdə Rusiya və Azərbaycanın ümumi maraqlarının olduğunu, eyni zamanda, ziddiyyətlərin də mövcudluğunu başa düşmək lazımdır", - deyə o əlavə edib.

Alpər Mövludoğlu
Ordu.az