Ordu.az xəbər verir ki, bu barədə "Reuters" Livanın mədəniyyət naziri Qassan Salameyə istinadən məlumat yayıb.

Onun sözlərinə görə, UNESCO-nun Dünya İrsi siyahısına daxil olan Tir şəhərindəki qədim bir sütun zədələnib. Bundan əlavə, cənub şəhərində həm müsəlmanlar, həm də xristianlar tərəfindən hörmət edilən ziyarətgah yeri dağıdılıb.

Livan tərəfi həmçinin Nəbatiyyədə Məmlük dövrünə aid bir bazarın dağıdılması və sərhəd bölgələrində əsrlər boyu mövcud olan yaşayış məntəqələrinə ziyan dəydiyini bildirib.

Bundan başqa müharibə zonasında yerləşən Bofort qalası və Tebninedəki səlibçi qalası da narahatlıq doğurur. UNESCO, Tir də daxil olmaqla mədəni irs obyektlərinin vəziyyəti, eləcə də Çamdakı qalaya dəyən ziyan və Bofort qalası ərazisində döyüşlər barədə məlumatlarla bağlı narahatlığını bildirib.

Ordu.az