Ordu.az xəbər verir ki, xüsusilə pilotsuz uçuş aparatlarının və döyüş təyyarələrinin zərbə dəqiqliyini artıran bu sistemlər müasir müharibə meydanının imtina edilməz elementləri arasında yer alır.
ASELSAN daxilində qurulan yüksək texnologiyalı istehsal xətləri robotik qollar və həssas optik sınaq sistemləri ilə təchiz edilib. LGK sistemi sursatın burun hissəsinə yerləşdirilən lazer axtarış başlığı, idarəetmə hərəkət sistemi və qanadcıqlardan ibarətdir.
Bu texnoloji transformasiya sayəsində MK-82 və MK-84 kimi ümumi təyinatlı bombalar hərəkətli hədəflərə qarşı belə yüksək zərbə dəqiqliyi (CEP) qazanır.
Son paylaşılan görüntülərdə istehsal xəttindən çıxan yüzlərlə LGK vahidinin göndərilməzdən əvvəl ciddi keyfiyyətə nəzarət prosesindən keçdiyi görülüb. ASELSAN-ın bu gücü Türkiyə Silahlı Qüvvələrinin sursat inventarında yerlilik nisbətini möhkəmləndirərkən, eyni zamanda dost və müttəfiq ölkələrə yönəlmiş ixrac potensialını da gücləndirir.
ASELSAN LGK: Əməliyyat qabiliyyətləri və uğurlar
ASELSAN tərəfindən hazırlanan Lazer Tuşlama Dəsti (LGK) sursatın mənzilini və dəqiqliyini artıraraq platformaların təhlükəsiz məsafədən nişanalma həyata keçirməsinə imkan verir.
LGK F-16 döyüş təyyarələri ilə yanaşı, AKINCI və AKSUNGUR kimi yüksək faydalı yük daşıma qabiliyyətinə malik pilotsuz uçuş aparatlarında uğurla istifadə olunur. Digər tərəfdən HÜRKUŞ, KIZILELMA və ANKA-3 kimi digər platformalara da inteqrasiyası həyata keçirilib.
Lazer işarələmə sayəsində LGK inteqrasiya edilmiş “Mk” seriyalı sursatlar dəniz hədəfləri və hərəkətli quru vasitələrinə qarşı “tam dəqiqlik” prinsipi ilə işləyir.
Sevinc Əliyeva
Ordu.az
