Ordu.az xəbər verir ki, bu barədə “Bloomberg” agentliyi ABŞ beynəlxalq ticarət üzrə federal məhkəməsinin materiallarına istinadən məlumat yayıb.

Məlumata görə, hazırda idxal bəyannamələrinin yalnız 21%-i işlənib. Söhbət “Beynəlxalq fövqəladə iqtisadi səlahiyyətlər haqqında” qanun (IEEPA) çərçivəsində tətbiq edilən rüsumlarla vergiyə cəlb olunmuş mallardan gedir. Bəyannamələrin 3%-i üzrə vəsaitlərin qaytarılması prosesi artıq başlayıb. ABŞ-nin maliyyə nazirliyi kompensasiyanı elektron ödənişlər vasitəsilə həyata keçirəcək.

Fevralın 20-də ABŞ Ali Məhkəməsi qərara alıb ki, Donald Tramp digər ölkələrə qarşı IEEPA qanunu bəhanəsi ilə gömrük rüsumları tətbiq edərkən səlahiyyətlərini aşmışdır. Artıq aprelin 24-də Tramp bildirib ki, ABŞ administrasiyası toplanmış 159 milyard dolları geri qaytarmalıdır.

Sevinc Əliyeva
Ordu.az