Ordu.az xəbər verir ki, bunu Rusiya Dövlət Dumasının MDB işləri üzrə komitəsinin sədri Leonid Kalaşnikov “İzvestiya”ya bildirib.

“Ermənistan heç vaxt AİB-dən çıxmayacaq. Bu, onun iqtisadiyyatı üçün ölümcül olar. Bundan başqa, hətta çıxsa belə, Avropa İttifaqına üzv olmalıdır. Bəs onu Aİ-də kim gözləyir və ya qəbul edir?” - deyə deputat bildirib.

Kalaşnikov əlavə edib ki, Rusiya İrəvandan səslənən qeyri-dost bəyanatlara güzgü cavab verməlidir.

Onun sözlərinə görə, Ermənistan üçün AİB-dən çıxmaq mənasızdır, çünki iqtisadiyyat ciddi itkilər verəcək və ilk növbədə erməni iş adamları zərər çəkəcəklər.

Alpər Mövludoğlu
Ordu.az