Ordu.az “Financial Times”a istinadən xəbər verir ki, bu addım Avropanın Donald Trampın yenidən ABŞ prezidenti seçilməsindən sonra təhlükəsizlik siyasətinə sürətlə yenidən baxılması zərurətini hiss etməsindən sonra atılıb.
Lyayen Avropa Parlamentindəki çıxışında qeyd edib: “Bu kreditlər Avropanın müdafiə sənayesini gücləndirmək üçün Avropa istehsalı olan silahların alınmasına yönəldilməlidir”.
Rəsmilərin sözlərinə görə, fond yalnız Aİ ölkələrindən və Böyük Britaniya, Norveç və İsveçrə kimi “həmfikir” Avropa ölkələrindən silah tədarükü üçün istifadə edilə bilər.
Bu qərar xüsusilə Trampın NATO müttəfiqlərinə təhlükəsizlik təminatlarını sorğulaması, Ukraynaya hərbi yardımı dayandırması və Rusiya ilə münasibətləri bərpa etmək səyləri nəzərə alınmaqla, Aİ-də narahatlıq yaradıb.
Avropa ölkələri Vaşinqtondan asılılığını azaltmaq üçün səylərini gücləndirərkən, hərbi xərclərinin böyük hissəsini yerli istehsala keçirməyə çalışırlar.
Lyayenin bəyanatı, həmçinin Fransa və Almaniya arasında Aİ-nin müdafiə fondlarının necə xərclənməsi ilə bağlı fikir ayrılıqlarını ortaya qoyub.
Sevinc Əliyeva
Ordu.az
