Ordu.az “Defence Blog”a istinadən xəbər verir ki, sövdələşmə təxminən 232,5 milyard yen (1,46 milyard dollar) dəyərində qiymətləndirilir.

Müqaviləyə əsasən, Yaponiya 71,4 milyard yen (458,1 milyon dollar) dəyərində 5 ədəd CH-47J helikopteri və 161,1 milyard yen (1 milyard dollar) dəyərində 12 ədəd genişləndirilmiş mənzilli CH-47JA platforması alacaq.

Bu helikopterlərdə təkmil “Chinook Block II” konfiqurasiyası olacaq və Yaponiya bu təkmilləşdirilmiş modeli qəbul edən dördüncü qlobal müştəriyə çevriləcək.

Yeniləmələr ağır hava daşıma imkanları tələb edən missiyalarda Yaponiya ordusunun əməliyyat effektivliyini artırmağı hədəfləyir.

Sevinc Əliyeva
Ordu.az