Ordu.az Çinin “Xinhua” nəşrinə istinadən xəbər verir ki, “Yünyao”-1 37, 38, 39, 40 nömrəli peyklər və JTX-A-05 peykinin daxil olduğu qrup ölkənin şimal-qərbindəki “Ciuçüen” Peyk Mərkəzindən orbitə buraxılıb.

Peyklər buraxıldıqdan sonra planlaşdırılmış orbital mövqelərinə yerləşib və bu, CERES-1 raketi ilə 16-cı uğurlu daşıma missiyası olub.

“Galactic Energy” tərəfindən inkişaf etdirilən, 19 metr uzunluğunda və 1,4 metr enində olan CERES-1 raketi Aşağı Yer Orbitinə 350 kiloqrama qədər faydalı yük daşıya bilir.

CERES-1 indiyədək orbitə 63 peyk çıxarıb.

Sevinc Əliyeva
Ordu.az