Ordu.az xəbər verir ki, illər ərzində Avropa tank bazarı kifayət qədər sabit olub.

Almaniyanın “Leopard 2” modeli Avropa ordularında ən çox yayılmış model olub və Britaniya, Fransa və İtaliya öz orduları üçün az sayda yerli modellər istehsal edib.

Bu, qismən 1945-ci ildən bəri Avropada ən şiddətli müharibənin yaşandığı Ukrayna müharibəsi ilə bağlıdır. Lakin bu, 2040-cı ilə qədər əsas döyüş tankını inkişaf etdirməyi qarşısına məqsəd qoyan Fransa və Almaniyanın birgə layihəsi olan Əsas Quru Döyüş Sisteminə inamsızlığı da əks etdirə bilər.

Fransalı müdafiə eksperti Leo Peria-Penye “Business Insider”ə bildirib ki, hər bir sənaye tərəfdaşı yeni nəsil döyüş tankına (MGCS) öz alternativi üzərində işləyir.

“Leopard 2”, M1 “Abrams” tankları və Britaniyanın “Challenger” tankı kimi Qərb ordularına hələ də hakim olan Soyuq müharibənin son dizaynlarını əvəz edəcək yeni nəsil tankların meydana çıxması qaçılmaz idi. Hətta ABŞ ordusu belə M1 “Abrams”ın 70 tonluq nəhəng gövdəsini 60 tondan aza endirəcək yeni nəsil versiyasını hədəfləyir.

MCGS-nin Almaniya və Fransa ordularının əsas tankları olaraq “Leopard 2” və “Leclerc”i əvəz etməsi hədəflənir. Hər iki ölkə bu yaxınlarda prototipin hazırlanması və istehsalına başlamaq üçün müqavilə imzalayıb.

Sevinc Əliyeva
Ordu.az