Ordu.az xəbər verir ki, bu barədə ABŞ-nin Ermənistandakı səfirliyi məlumat yayıb.

Məlumata görə, ABŞ Beynəlxalq İnkişaf Maliyyə Korporasiyasının Direktorlar Şurası iyunun 3-də bir sıra yeni strateji investisiyaları təsdiqləyib.

Təsdiqlənən layihələr arasında ticarətin, nəqliyyatın, iqtisadi inkişafın və regional əlaqələrin dəstəklənməsinə yönəlmiş TRIPP İnkişaf Şirkətinin yaradılması da yer alıb.

Beynəlxalq İnkişaf Maliyyə Korporasiyasının açıqlamasında qeyd olunub ki, şirkət dəmir yolları, avtomobil yolları, boru kəmərləri, optik lif şəbəkələri və digər mühüm infrastruktur layihələrinin həyata keçirilməsinə dəstək göstərəcək.

Alpər Mövludoğlu
Ordu.az