Ordu.az xəbər verir ki, hökumətin yaydığı məlumata görə, Anjela İql təhlükəsizlik məsələləri üzrə nazir təyin olunub.

Bildirilib ki, o, eyni zamanda Daxili İşlər Nazirliyi və Nazirlər Kabinetinin fəaliyyətində də iştirak edəcək.

Stiven Morqan Ətraf Mühit, Ərzaq və Kənd Təsərrüfatı Nazirliyində nazir vəzifəsinə təyin edilib.

Kelvin Beyli isə müdafiə nazirinin parlament üzrə müavini vəzifəsini tutub.

Ceyd Botterill Xəzinədarlığın kiçik lordu vəzifəsinə gətirilib və hökumətdə partiya təşkilatçısı funksiyasını yerinə yetirəcək.

Emma Fudi isə İcmalar Palatasında partiya intizamına cavabdeh baş köməkçi “vip” təyin olunub.

Lordlar Palatasında da bir sıra yeni təyinatlar həyata keçirilib.

Lord Leonq Biznes və Ticarət Nazirliyinin parlament üzrə müavini, lord Lemos Mənzil Tikintisi, İcmalar və Yerli Özünüidarəetmə Nazirliyinin parlament üzrə müavini təyin olunub.

Hayberili lord Kollinz isə parlament katibi və Lordlar Palatasının vitse-prezidenti vəzifələrini qoruyub saxlayıb.

Baronessa Remsi və baronessa Karan Lordlar Palatasında hökumətin “vip”ləri vəzifəsinə təyin ediliblər.

Bundan başqa, ser Alan Kempbell Məxfi Şuranın lord-prezidenti və İcmalar Palatasının lideri təyin olunaraq Nazirlər Kabinetinin tərkibinə daxil edilib.

Sevinc Əliyeva
Ordu.az