Ordu.az cümə gecəsi Yaxın Şərqdə baş verən əsas hadisələrin qısa icmalını təqdim edir.

ABŞ-nin prezidenti Donald Tramp bəyan edib ki, Amerika artıq İran üzərində qələbə qazanıb. Lakin Tehrandan gələn nüvə təhlükəsi qalmaqdadır.

ABŞ-nin İran əleyhinə əməliyyatının real dəyəri demək olar ki, 50 milyard dollara çatır ki, bu da Pentaqonun açıq qiymətləndirməsindən təxminən iki dəfə çoxdur, “CBS News” telekanalı daxili qiymətləndirmələrlə tanış olan amerikalı rəsmilərə istinadən bildirib.

Münaqişənin tənzimlənməsi çərçivəsində ABŞ İrana sülh məqsədli istifadə üçün nəzərdə tutulmuş nüvə materiallarının tədarükünə razılıq verməyəcək. Bu barədə ABŞ-nin prezidenti Donald Tramp bildirib.

Blokadanın başlanmasından etibarən ABŞ-nin hərbi-dəniz qüvvələri İranla əlaqəli, İran limanlarından çıxan və ya ora istiqamətlənən 44 ticarət gəmisini saxlayıb. Bu barədə Yaxın Şərqdə ABŞ Silahlı Qüvvələrinin Mərkəzi Komandanlığı (CENTCOM) bildirib.

Sevinc Əliyeva
Ordu.az