Ordu.az xəbər verir ki, Mirzoyan bu barədə Estoniyanın XİN rəhbəri Marqus Tsahkna ilə keçirdiyi birgə mətbuat konfransında bildirib.

“Biz ümid edirik ki, ən qısa zamanda növbəti mərhələyə, tikintiyə keçəcəyik. Məhz burada bizə üçüncü tərəfdaşlar lazım olacaq. Əlbəttə ki, müqavilə ikitərəfli, Ermənistan və ABŞ arasında olacaq, lakin həm tikinti mərhələsində, həm də çox güman ki, sistemlərin idarə olunması mərhələsində tərəfdaşlara ehtiyac duyacağıq”, - deyə Mirzoyan vurğulayıb.

Erməni nazir qeyd edib ki, layihə üzərində işlər intensiv rejimdə davam edir və hazırda işçi sənədlərin, eləcə də hökumətlərarası sazişin razılaşdırılması mərhələsindədir.

Onun sözlərinə görə, TRIPP-in ikitərəfli layihə olmasına baxmayaraq, onun Çindən Portuqaliyaya qədər bir çox ölkənin maraqları ilə diktə edilməsi heç kimə sirr deyil.

“Onun bir ucu Azərbaycanla, digər ucu isə Naxçıvanla həmsərhəd olmalıdır, lakin məntiqi davamı Ermənistanın Türkiyəyə və Mərkəzi Asiya ölkələrinə uzanan dəmir yolu şəbəkəsidir”, - deyə o bəyan edib.

Ermənistan XİN başçısının sözlərinə görə, Yaxın Şərq dövlətləri də layihəyə maraq göstərirlər.

Alpər Mövludoğlu
Ordu.az