Ordu.az xəbər verir ki, Aİ Ukraynadakı müharibənin yaratdığı regional qeyri-sabitlik fonunda Moldova Respublikasına hərbi dəstəyini artırır.

Aİ Şurası 2025-ci ilin aprelində Avropa Sülh Fondu (EPF) çərçivəsində Moldova Silahlı Qüvvələrinə 7-ci yardım paketini təsdiqləyib.

Yeni dəstək paketi 20 milyon avro dəyərindədir, Moldova üçün qısa mənzilli HHM sistemləri və raketlərinin satın alınmasını maliyyələşdirəcək.

Sözügedən qərar 2025-ci il aprelin 7-də təsdiq edilən 40 milyon avroluq 6-cı yardım paketi ilə yanaşı, ölkənin yüngül zirehli vasitələrini və HHM ilə bağlı komanda-idarəetmə sistemlərini gücləndirməyi hədəfləyən daha geniş modernləşdirmə prosesinin bir hissəsidir.

Sevinc Əliyeva
Ordu.az