Ordu.az xəbər verir ki, İDP-lər “Red Cat Holdings”in “Variant 7” dizaynına uyğun gəlir.
Bu, Ukraynanın döyüşdə özünü sübut etmiş “Magura V7” İDP-sinə əsaslanan ABŞ istehsalı platformadır.
1-ci Xüsusi Təyinatlı Qrupun (Hava-desant) “Yaşıl beretlilər”i “Balikatan 2026” təlimi zamanı İDP-ləri uzaqdan buraxıb və idarə ediblər. Onlardan 2026-cı il aprelin 24-də Filippinin İtbayat adasının qərb sahillərində hədəf gəmiyə qarşı formalı partlayıcı yüklərin çatdırılması üçün istifadə edilib və onların idarə etdiyi İDP-lər dünyanın ən çox döyüşdə sınaqdan çıxmış dəniz platformalarından birinə, yəni Ukraynanın “Magura V7” platformasına diqqətçəkən dərəcədə bənzəyirdi.
“Maritime Strike-North” adlandırılan tədbir Tayvandan təxminən 100 mil cənubda, Luzon boğazındakı adalar silsiləsi olan Batanes arxipelaqında ABŞ və Filippin xüsusi əməliyyat qüvvələri tərəfindən keçirilən birgə döyüş atışlı təlim əməliyyatı idi.
DVIDS-in rəsmi açıqlamasına görə, birgə hava və dəniz vasitələri mürəkkəb, çoxdomenli əməliyyatda təyin edilmiş hədəf gəmini vurub və batırıb. ABŞ xüsusi əməliyyat qüvvələri tərəfindən idarə olunan İDP-lər hədəf gəmiyə qarşı partlayıcı yüklər çatdırıb, onun gövdəsini dəlib və struktur bütövlüyünü zəiflədib. Eyni açıqlamaya görə, təlimə dənizdə situasiya məlumatlılığını və dəqiq zərbə qabiliyyətini artırmaq üçün hazırlanmış digər yeni texnologiyalar da daxil edilib.
Təlim zamanı fotoşəkilləri çəkilən İDP-lər “Red Cat Holdings”in dəniz bölməsi “Blue Ops” tərəfindən istehsal edilən variantın dizaynı və ölçülərinə uyğun gəlir. Bu platforma “Red Cat” tərəfindən 2025-ci ilin mayında Ukraynanın “Magura” seriyasının ABŞ istehsalı versiyası kimi elan edilmişdi və adı açıqlanmayan aparıcı qlobal PSV istehsalçısı ilə əməkdaşlıqda hazırlanmışdı. “Red Cat”in vasitəsi ilə Ukraynanın “Magura” xətti arasındakı əlaqə o vaxt geniş şəkildə işıqlandırılmışdı.
“Defense Express”in 2025-ci ilin mayında qeyd etdiyi kimi, “Red Cat”in elan etdiyi platformanın texniki xüsusiyyətləri, o cümlədən 7 metrlik uzunluğu və dizayn xüsusiyyətləri adı açıqlanmayan Ukrayna şirkəti tərəfindən yaradılan və Ukrayna Baş Kəşfiyyat İdarəsinin xüsusi bölməsi olan “Group 13” tərəfindən idarə edilən “Magura” seriyalı İDP-lərlə “tamamilə eyni” idi.
Sevinc Əliyeva
Ordu.az
