Ordu.az TASS informasiya agentliyinə istinadən xəbər verir ki, bu barədə Koreya Respublikası prezidentinin xüsusi nümayəndəsi Son Yon Gil “Valday” beynəlxalq diskussiya klubunda 8-ci Asiya konferensiyasının açılış mərasimi zamanı çıxış edərkən bildirib.

“Rusiya və ABŞ arasında münasibətlərin yaxşılaşması bütünlükdə Koreya yarımadası üçün müsbət siqnal olacaq. Münasibətləri bərpa etmək zəruridir”, - Son Yon Gil vurğulayıb.

O bildirib ki, Moskva ilə Vaşinqton arasında əlaqələrin yaxşılaşması raket-nüvə probleminin, həmçinin yarımadanın təhlükəsizlik, terrorizmlə mübarizə, həmçinin iqlimin dəyişməsi və digər məsələlərin həlli üçün zəruridir.

Son Yol Gilin fikrincə, Rusiya KXDR-in raket-nüvə iddiaları ilə əlaqədar olan cari böhranın həllində çox vacib rol oynaya bilər.

Ağalar Qəribov
Ordu.az