Ordu.az xarici KİV-lərə istinadən xəbər verir ki, bu barədə Ukrayna prezidenti Petro Paraşenko bəyan edib.

“Bundan sonra mənim qərarıma əsasən Ukrayna desantçılarının rəngi qara-tünd qırmızı olacaq. Bu, qan rəngidir, Ukrayna uğrunda döyüşlərdə tökülən sizin qanınızın rəngidir”, - deyə Ukrayna prezidenti Kiyevin mərkəzində Desantçı Günü ilə əlaqədar təşkil edilən tədbirdə çıxışı zamanı qeyd edib.

O bildirib ki, 19-u NATO üzvü olan dünyayın 59 ölkəsinin desantçılarının beretləri tünd qırmızı rəngdədir. Paraşenkonun sözlərinə görə, bununla Ukrayna NATO-nun daha bir standartını özünə tətbiq etmiş olur.

Ukrayna prezidenti vurğulayıb ki, ölkəni NATO üzvü etmək niyyətindədir.

Paraşenko həmçinin məlumat verib ki, indi beretlərdə yeni nişan olacaq: gerbin yerinə Cəbrayılın qanadlarını açdığı paraşüt gümbəzi və alovlanan qılınc işarəsi olacaq.

Ukrayna lideri eyni zamanda Hava Desant Qüvvələrinin adını dəyişərək Desant Hücumçu Qüvvələri edib.

“Ukraynalaşdırmanın bu hissəsi Sovet-Rusiya qaydasını əvəz etmək məqsədilə qəbul olunub”, - deyə Paraşenko bildirib.

Ağalar Qəribov
Ordu.az