Ordu.az xarici KİV-lərə istinadən xəbər verir ki, bu barədə Böyük Britaniyanın Kiyevdəki səfirinin müavini Helen Feyzi bəyan edib.

“Biz Ukraynaya hərbi yardımımızı saxlayırıq. Bu yardımın gücləndirilməsi üçün yollar axtarırıq. Lakin ölümcül silahların tədarükü məsələsini müzakirə etmirik”, - deyə Feyzi bildirib.

O, həmçinin əlavə edib ki, Böyük Britaniya Ukrayna Silahlı Qüvvələrinə müdafiə sahəsində islahatların aparılmasında kömək proqramı hazırlayıb.

Xatırladaq ki, daha öncə ABŞ dövlət katibinin Avropa və Avrasiya məsələləri üzrə köməkçisi Uess Mitçell Vaşinqtonun Ukraynaya ölümcül silah vermək barədə məsələni hələ də müzakirə etdiyini bildirib.

Ağalar Qəribov
Ordu.az