Ordu.az xəbər verir ki, fotonu “dumpl1n9Body” adlı istifadəçi öz “X” səhifəsində paylaşıb.

Sistem üçün baza kimi böyük ehtimalla 8x8 təkər konfiqurasiyasına malik M2020 zirehli personal daşıyıcısı istifadə edilib. Gövdənin arxa hissəsində tərtibatçılar xüsusi döyüş bölməsində yerləşdirilmiş 120 mm-lik minaatan inteqrasiya ediblər.

Yayımlanan fotoda görünür ki, sistemi atəş mövqeyinə gətirmək üçün damdakı iri zirehli qapaqlar açılır, bundan sonra minaatanın lüləsi qaldırılır. Dizayn birbaşa maşının gövdəsindən atəş açmağa imkan verir və atəş mövqeyinə sürətli yerləşdirilməni təmin edir.

Özünümüdafiə üçün ön hissədə məsafədən idarə olunan döyüş modulu quraşdırılıb. O, sovet AGS-17-nin yerli modifikasiyasına bənzəyən avtomatik qumbaraatanla silahlandırılıb.

Gövdənin yan tərəfində üç lüləli tüstü qumbaraatan blokları quraşdırılıb, qazma alətləri olan balta və bel isə bərkidilib. Fotoda gövdənin yuxarı hissəsi boyunca vintlənmiş birləşmələrə quraşdırılmış əlavə zireh panelləri də aydın görünür.

Daha əvvəl Şimali Koreya müdafiə sənayesi ABŞ-nin M1128 MGS maşınının surətini çıxaran oxşar təkərli tank təqdim etmişdi.

Sevinc Əliyeva
Ordu.az