Ordu.az xəbər verir ki, bu barədə Ermənistanın “Joğovurd” nəşri yazıb.

Nəşr qeyd edib ki, bundan əvvəl o, dövlət sistemində və ictimai qurumlarda müxtəlif vəzifələrdə çalışıb.

“Hələ 2002-ci ildə Kalavan icra hakimiyyətində aparat katibi kimi işləyib, daha sonra 2017-2018-ci illərdə Çambarak icra hakimiyyətində rəhbərin köməkçisi və müşaviri olub.

2013-2019-cu illərdə Qukasyan “Time Land” fondunun təsisçi direktoru olub, 2019-2022-ci illərdə isə baş nazirin müşaviri vəzifəsini tutub. O, “Vətəndaş Müqaviləsi” partiyasının üzvüdür”, - deyə nəşr bildirib.

“Joğovurd” qəzeti erməni məmurun bəyannamələrini araşdıraraq müəyyən edib ki, son illərdə onun əmlak və maliyyə vəziyyətində ciddi dəyişikliklər baş verib.

“2021-ci il

2021-ci ilin bəyannaməsinə əsasən, Qukasyan baş nazirin müşaviri vəzifəsində çalışarkən daşınmaz və ya daşınar əmlak bəyan etməyib.

Bank hesablarında qalıq təxminən 721,956 dram, nağd vəsait isə 100,000 dram olub.

Həmin ildə o, təxminən 28 milyon dram kredit götürüb, illik gəliri isə 38 milyon dramdan çox olub.

2022-ci il

2022-ci ildə, yəni Zəngəzur vilayətinin rəhbəri təyin olunduğu ildə o, yenə də daşınmaz və ya daşınar əmlak bəyan etməyib.

Bank hesablarındakı qalıq artaraq 1,661,651 drama çatıb, nağd vəsait isə 2,300,000 dram olub.

İllik gəliri 18,130,750 dram təşkil edib.

2023-cü il

2023-cü ilin bəyannaməsinə əsasən, məmurun maliyyə vəsaitləri nisbətən sabit qalıb.

• Bank hesabları - 2,858,145 dram
• Nağd vəsait - 1,200,000 dram
• İllik gəlir - 18,347,748 dram”, - deyə nəşr qeyd edib.

Qəzet yazıb ki, həmin ildə o, ipoteka kreditinin ödənişini davam etdirərək təxminən 3,200,000 dram ödəyib.

“2024-cü il

Ən ciddi dəyişikliklər 2024-cü ilin bəyannaməsində qeydə alınıb.

“Joğovurd” qəzetinin araşdırmasına görə, həmin ildə Robert Qukasyan Zəngəzur vilayətinin Qafan icmasında iki torpaq sahəsi əldə edib, hər ikisi eyni gündə, 2023-cü il aprelin 7-də alınıb.

Bundan əlavə, o, ORD DEVELOPMENT MMC-dən alınmış və geri qaytarılmış təxminən 35.9 milyon dram məbləğində borcu bəyan edib.

Həmin ildə onun maliyyə vəziyyəti belə olub:

• Bank hesabları - 2,342,387 dram
• Nağd vəsait - 1,100,000 dram
• İllik gəlir - 18,181,044 dram”, - deyə nəşr vurğulayıb.

“Joğovurd” bildirib ki, gəlirin əsas hissəsi əməkhaqqından formalaşıb.

“Eyni zamanda, onun kredit öhdəlikləri saxlanılıb və ilin sonuna təxminən 28,237,242 dram təşkil edib ki, bu da ipoteka krediti ilə bağlıdır.

Nəticə

Bəyannamələrin təhlili göstərir ki, 2023-cü ilə qədər Zəngəzur vilayətinin rəhbərinin daşınmaz əmlakı olmayıb, lakin 2024-cü ilin bəyannaməsində o artıq torpaq sahələrinin sahibi kimi çıxış edir. Bunun necə və hansı yolla əldə edildiyi isə aidiyyəti qurumlar tərəfindən araşdırılmalı məsələdir.

Eyni zamanda, onun maliyyə axınları və bəyan edilmiş əməliyyatları həmin dövrdə nəzərəçarpacaq dərəcədə aktiv olub”, - deyə nəşr qeyd edib.

Alpər Mövludoğlu
Ordu.az