Ordu.az xəbər verir ki, bunu Türkiyənin xarici işlər naziri Hakan Fidan deyib.

Fidan qeyd edib ki, Türkiyə Qafqazla həmsərhəddir, orada baş verən müharibələr və qeyri-sabitlik Türkiyəyə birbaşa təsir edir.

“Buna görə biz bu regionda nizamın və təhlükəsizliyin təmin olunması, həmçinin təhlükəsizlik sistemi ilə bağlı məsələlərdə çox ciddi səylər göstəririk. Biz Azərbaycan və Ermənistan arasında sülhə nail olmaq üçün gücün ölçülü tətbiqindən keyfiyyətli diplomatiyaya qədər, regional ölkələri və qlobal gücləri tarazlıqda saxlayaraq, oradakı kəskin münaqişənin Türkiyəyə təsir etməməsi üçün böyük səylər sərf etmişik”, - deyə Fidan bildirib.

O vurğulayıb ki, Ankara Yaxın Şərqdə, Qafqazda, Qara dəniz və Aralıq dənizi hövzələrində strateji baxımdan nəhəng zonaya malikdir, eyni zamanda Avropa təhlükəsizliyi məsələsində mühüm rol oynayır.

Türkiyə XİN rəhbərinin sözlərinə görə, Avropa təhlükəsizliyi həmişə NATO-nun himayəsi altında formalaşıb və Türkiyə də bu kontekstdə öz rolunu oynayıb.

Alpər Mövludoğlu
Ordu.az