Ordu.az xəbər verir ki, bu barədə RBK məlumat yayıb.

RBK-nın “İzah edən briqada” proqramında qeyd edildiyi kimi, bu kontekstdə əsas istiqamətlərdən biri Cənubi Qafqaz və Ermənistanda gözlənilən seçkilərdir.

Vurğulanır ki, Cənubi Qafqaz Rusiya üçün həm təhlükəsizlik, həm də iqtisadi baxımdan strateji əhəmiyyətini qoruyur.

Veriliş zamanı Ermənistanda keçiriləcək parlament seçkiləri, Avropa İttifaqı ilə Avrasiya İqtisadi Birliyi arasında balans, həmçinin ölkələrin xarici oyunçulara yönəlməsi ilə bağlı risklər müzakirə olunub. Bu isə geosiyasi landşaftın dəyişməsi və Rusiyanın regionda vasitəçi rolunun zəifləməsi fonunda baş verir.

Qeyd olunur ki, Ermənistanda parlament seçkiləri son dərəcə mühüm hadisədir, çünki nəticələr ölkənin baş nazirini və gələcək siyasi kursunu müəyyən edəcək. Ermənistan Avrasiya İqtisadi Birliyinin təqdim etdiyi üstünlüklərdən istifadə etməyə çalışmaqla yanaşı, Avropa İttifaqı ilə əlaqələri də gücləndirir. Lakin Vladimir Putin Nikol Paşinyana bu iki istiqamətin birləşdirilməsinin mümkün olmadığını çatdırıb.

Bildirilir ki, Paşinyanı baş nazir postu uğrunda ciddi mübarizə gözləyir. Onun qalib gəlmək şansı olsa da, rəqabət kifayət qədər kəskin olacaq. Bundan əlavə, aparıcılar qeyd ediblər ki, kim baş nazir olmasından asılı olmayaraq, Rusiya ictimai rəy ilə işləməlidir.

“Ermənistanda belə fikir yayılıb ki, Rusiya və Kollektiv Təhlükəsizlik Müqaviləsi Təşkilatı Qarabağ müharibəsi zamanı ölkəyə lazımi dəstəyi göstərməyib. Bu amil müxtəlif qüvvələr tərəfindən aktiv şəkildə istifadə olunur və nəticədə anti-Rusiya əhval-ruhiyyəsinin artmasına səbəb olur”, - deyə RBK-nın proqramında bildirilib.

Alpər Mövludoğlu
Ordu.az