Ordu.az xəbər verir ki, bu barədə “Defense Blog” məlumat yayıb.

ABŞ ordusu mənbələrinin “Defense Blog”a verdiyi məlumata görə, raketin mənzil, etibarlılıq və dəqiqlik kimi əsas performans meyarları sınaqlarda uğurla sınaqdan keçirilib.

ABŞ ordusunun raket və kosmos proqramları direktoru general-mayor Frank Lozano sınaqlardan sonra açıqlamasında bildirib: “Precision Strike Missile” proqramı hərbi qulluqçularımıza uzun mənzilli, dəqiq və effektiv zərbə vurma qabiliyyətini təmin edəcək. Sistem döyüş meydanında oyunu dəyişdirəcək”.

400 kilometrdən çox mənzilli olmaq üçün nəzərdə tutulan raket ABŞ ordusunun modernləşdirmə səyləri çərçivəsində istifadəyə verilir.

Raketin kütləvi istehsala başlamazdan əvvəl son sınaq prosesinə may ayının sonunda başlanması planlaşdırılır və bu sınaqlar uğurlu olarsa, ordu ilin sonuna kimi kütləvi istehsala qərar verə bilər.

Yeni raket ordunun hazırkı ATACMS raket sistemini əvəz edəcək, orduya daha uzun mənzilli, daha yüksək dəqiqlik və çoxdomenli əməliyyatlarda daha uyğunlaşa bilən alternativlər təklif edəcək.

Sevinc Əliyeva
Ordu.az