Ordu.az xəbər verir ki, bunu Ermənistan Respublikaçılar Partiyasının ali orqanının üzvü Eduard Şarmazanov deyib.

“Bir dəfə Serj Sarkisyan Lukaşenkonun danışdığı təklifdən (məşhur səsyazma-red.) imtina etmişdi. Söhbət 5 milyard dollardan gedir. Serj Sarkisyan bundan imtina etdi”, - deyə o qeyd edib.

Şarmazanov xatırladıb ki, Lukaşenko vasitəçi olmayıb və vasitəçilərin təklifləri ATƏT-in Minsk qrupunun rusiyalı həmsədri İqor Popov tərəfindən dərc olunub.

“5 rayonun Azərbaycana verilməsi təklif edilirdi, bunun müqabilində “Qarabağ” (ləğv edilmiş qondarma qurum-red.) aralıq status alacaqdı, Laçın və Kəlbəcər “Qarabağ müdafiə ordusu”nun (ləğv edilmiş qanunsuz “hərbi birləşmə”-red.) nəzarətində qalacaqdı. Paşinyanın bəyanatlarından sonra Ermənistan danışıqların dağıdıcı tərəfinə çevrildi”, - deyə o əlavə edib.

Alpər Mövludoğlu
Ordu.az