Ordu.az erməni KİV-lərinə istinadən xəbər verir ki, Ermənistan Müdafiə Nazirliyinin məsələ ilə bağlı sorğuya cavabında bildirilib ki, Ermənistan hökumətinin 12.04.2018-ci il tarxili N-404 saylı qərarının 7-ci hissəsinin 6-cı bəndinin tələblərinə əsasən, o, hərbi xidmət üçün məhdudiyyətli şəkildə tanınıb və bunun əsasında məcburi hərbi xidmətə çağrılıb.

Xatırladaq ki, əsgər Narel Qriqoryan orduda dəhşətli şəkildə işgəncələrə məruz qalıb.

Məlumata görə, əsgərin ruhi sağlamlıqla bağlı problemləri var. Qriqoryan yanvarın 24-də orduya çağrılıb, fevralın 10-dan 19-na qədər isə “Kanaz” hospitalında olub. Daha sonra 15 gün “Muratsan” nevroloji şöbəsində yatıb və bundan sonra Sisian xəstəxanasında müaəlicəsini davam etdirib. Orada isə müalicə əvəzinə zorakılığa məruz qalıb.

Əsgər və kapitan Artak Ağabekyan arasında “sırada düz dayanmadığı” üçün mübahisə yaranıb. Kapitan əvvəlcə əsgərə sillə vurub, bundan sonra sinəsinə və baş nahiyəsinə zərbələr endirib. İndiyə qədər hələ də əsgərin üzərində göyərtilər var və bədəninin sol nahiyəsi təmamilə zəifləyib.

Alpər Mövludoğlu
Ordu.az