Ordu.az erməni KİV-lərinə istinadən xəbər verir ki, Ermənistanın Vazgen Sarkisyan adına hərbi institutunda öldürülmüş kursant Haykaz Bağmanyanın istintaq işinin aparılmasının iki ili tamam olub.

Onun atası hələ də məhkəmələrdə övladının ölüm səbəbinin aşkarlanması və günahkar şəxslərin cəzalandırılmasına görə mübarizə aparmaqda davam edir.

Ölən kursantın atası Arkadi Barseğyan bildirib ki, bəzi vəkillər işin istintaqını çox uzadırlar.

"Heç bir səbəb olmadan məhkəmə iclaslarına gəlmirlər. İndi şahidlər dindirilir. Günahkar şəxslərə bağışlanılma tətbiq edilmədən ömürlük həbs cəzası verilsin. Təssüf ki, ölüm hökmü yoxdur", - deyə Barseğyan bildirib.

Alpər Mövludoğlu
Ordu.az