Samvel Babayan 6 il həbs cəzasına məhkum edilib

2017/11/17_11_28_15118549202345235_1511858330.jpg
Oxunub: 481     16:36     28 Noyabr 2017    
Kentron və Nork Maraş inzibati rayonlarının ümumi yurisdiksiya məhkəməsi işğal altında olan Qarabağda qondarma qurumun keçmiş "müdafiə naziri" Samvel Babayan haqqında hökmü açıqlayıb.

Ordu.az erməni KİV-lərinə istinadən xəbər verir ki, o, 6 il müddətinə azadlıqdan məhrum edilib.

Eyni iddia ilə şübhəlilər Sanasar Qabrielyan 3 il müddətinə, Andranik Köçəryan 2 il sınaq müddətinə azadlıqdan məhrum ediliblər. Karen Köçəryan 2,6 il sınaq müddətinə, Jora Zakaryan 2 il sınaq müddətinə məhkum edilib. Armen Poqosyan 2 il müddətinə azadlıqdan məhrum edilməklə onun barəsində həbs qəti imkan tədbiri dəyişdirilməyib. Davit Harutunyan da 2 il sınaq müddətinə azadlıqdan məhrum edilib.

Qeyd etmək lazımdır ki, prokuror Samvel Babayanın 7 il həbs cəzasına məhkum olunmasını, Sanasar Qabrielyanın 4 il, Armen Poğosyanın 3 il, Karen Koçaryanın 3 il, Andranik Koçaryanın 2 il, Davit Harutyunyanın 2 il, Jora Zakaryanın 2 il müddətinə şərti azadlıqdan 3 il sınaq müddətinə məhrum edilməsini tələb etmişdi.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Həbs  


Bizi "telegram"da izləyin