“Retinar” Yerüstü Müşahidə Radarları məhsul ailəsinin ən son üzvü olan yeni “Retinar” AESA radarı, yeni nəsil aktiv radioelektron darama və MIMO (Çoxlu Giriş Çoxlu Çıxış) strukturu da daxil olmaqla qabaqcıl funksiyaları ehtiva edir. Sistem tək bir radar paneli ilə 90 x 90 dərəcə əhatə təmin edərkən, 4 radar panelinin istifadəsi ilə 90 x 360 dərəcə yarımkürə əhatəsinə çatır. Bu qabiliyyət sistemə eyni vaxtda geniş məsafələrdə hava və yer hədəflərini aşkar etməyə imkan verir.
Radarın xüsusiyyətləri arasında qabaqcıl izləmə performansı, təkmil hədəf təsnifatı üçün yüksək yeniləmə tezliyi və 3D yüksək görüntü imkanına malik radar görüntüləmə qabiliyyəti önə çıxır. Radar işləmə tezliyinə görə əlverişsiz hava şəraitində də effektiv işləmək üçün nəzərdə tutulub. Radarın imkanları mini/mikro Pilotsuz Uçuş Aparatları (PUA), kamikadze PUA-ları və taktiki PUA-lar kimi müxtəlif tipli PUA-ların aşkarlanması və izlənilməsini əhatə edir.
Məlumata görə, sözügedən radar hətta çox yavaş hərəkət edən hədəfləri (eyni anda həm hava, həm də quru hədəfləri) çox daha uzun məsafələrdən aşkar edə bilir. Radarın dizaynı və aşağı enerji istehlakı həm kritik obyektlərin və sərhədlərin qorunmasında, həm də mobil vasitələrə inteqrasiyada uyğunlaşma qabiliyyətini təmin edir.
Ölçüsü kiçik olduğu və sürü halında istifadə oluna bildiyi üçün tədbir görülməsi çətin olan PUA-lara qarşı müdafiə sistemlərinin hazırlanması çox çətindir. Ucuz və istehsalı asan PUA-ların məhv edilməsi prosesi aşkarlama ilə başlayır. Bu kontekstdə PUA-ların erkən aşkarlanması, habelə qarşısının alınması məqsədilə hazırlanan müdafiə sistemlərinə diaqnoz, təsvir, təsnifat və məhv prosesi üçün üstünlük təmin edir.
AESA texnologiyası PUA-lara qarşı hazırlanan sistemlər üçün sərfəli olmasa da, belə yüksək texnologiyalı sistemin mövcudluğu bəzi mühüm obyektlərin və konvoyların mühafizəsi üçün vacibdir. Bundan əlavə, AESA radarları antena quruluşuna görə asan quraşdırma, aşağı uğursuzluq dərəcəsi və texniki xidmət asanlığı kimi üstünlüklərə malikdir. Bundan əlavə, AESA radarlarında çoxlu T/R modulları var. Bu, bəzi T/R modulları zədələnsə belə, sistemin işləməyə davam etməsinə imkan verir.
Dəyanət Ağalarlı
Ordu.az
