"Radar" sözünə uyğun 703 nəticə tapıldı!

İtkin düşən pilotun axtarışlarının əhatə dairəsi genişləndirilib

2019/07/67646-1564486511.jpg
Oxunub: 948     15:34     30 İyul 2019    
Xəzər dənizində itkin düşən pilotun axtarışlarının əhatə dairəsi genişləndirilib. Hazırda axtarış işləri daha çox şimala yönləndirilib. Həmçinin, axtarışlara yeni vasitələr cəlb olunub.

Ordu.az xəbər verir ki, bu barədə Azvision.az -a açıqlamasında MiQ-29 təyyarəsi ilə qəzaya uğrayaraq Xəzər dənizinə düşən pilot Rəşad Atakişiyevin qaynatası, tanınmış politoloq Qabil Hüseynli deyib.

Politoloq bildirib ki, axtarışlar yüksək səviyyədə təşkil olunub: “Yeni vasitələr cəlb olunmaqla daha sürətli axtarışlar aparılır”.

Q.Hüseynli qeyd edib ki, Müdafiə Nazirliyinin rəhbərliyi tərəfindən pilotun ailəsi daim diqqətdə saxlanılır.

Xatırladaq ki, iyulun 24-də saat 22.00 radələrində plana uyğun olaraq gecə vaxtı təlim-məşq uçuşları keçirən Hərbi Hava Qüvvələrinin MiQ-29 təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib. Təyyarə Xəzər dənizinə düşüb. Qəza nəticəsində təyyarənin pilotu, polkovnik-leytenant Rəşad Atakişiyev itkin düşüb.

Ordu.az

© Materiallardan istifadə edərkən hiperlinklə istinad olunmalıdır


Teqlər: Pilot   Axtarış   MiQ-29   Qəza