Ordu.az xəbər verir ki, 3 ölkə üçün hazırlanan yardım paketləri ilə ABŞ-nin 5 ən böyük müdafiə qrupu olan “Lockheed Martin”, RTX, “Northrop Grumman”, “Boeing”, “General Dynamics” və onların tədarükçülərinin silah istehsalını artırmaq üçün təxminən 13 milyard dollar ayrılıb.

Lakin maliyyələşmənin artmasına baxmayaraq, müdafiə ekspertləri xəbərdarlıq edirlər ki, gələcək müqavilələrlə bağlı qeyri-müəyyənlik Birləşmiş Ştatların və ya onun müttəfiqlərinin Silahlı Qüvvələrini təmin etmək üçün lazım olan davamlı, uzunmüddətli artıma zəmanət vermir.

Ukraynadakı müharibə qlobal silah tələbini stimullaşdırıb, Qərb ölkələri öz ehtiyatlarını Kiyevə bağışlayıb, öz müdafiələrini gücləndirmək və ehtiyatlarını artırmaq üçün hərəkətə keçiblər.

ABŞ-nin Ukrayna ilə bağlı qanun layihəsində artilleriya, hava hücumundan müdafiə sursatları, antidron sistemləri və mühüm döyüş sursatlarının komponentlərinin inkişaf etdirilməsi və istehsalının genişləndirilməsinə 5,4 milyard dollar ayrılıb.

Sevinc Əliyeva
Ordu.az