Ordu.az xəbər verir ki, bu barədə “Fars” agentliyi güc strukturlarındakı mənbələrə istinadən məlumat yayıb.

Məlumata görə, saxlanılma əməliyyatı “İmam Mehdinin görünməz əsgərləri” kimi tanınan kəşfiyyat xidmətinin əməkdaşları tərəfindən həyata keçirilib.

Bildirilir ki, saxlanılan şəxslər “Telegram” messenceri vasitəsilə müxtəlif obyektlərin, o cümlədən məktəblərin, məscidlərin, müqavimət qüvvələri və İslam İnqilabı Keşikçiləri Korpusu ilə əlaqəli obyektlərin koordinatlarını ötürüblər.

İddialara görə, həmin ərazilərə zərbələr endirildikdən sonra onlar dağıntıların nəticələrini qeydə alaraq görüntüləri İsrail tərəfinə göndəriblər.

İran mənbələri bu şəxslərin fəaliyyətini düşmən dövlətlə əməkdaşlıq və milli təhlükəsizliyə zərər vurmaq kimi qiymətləndiriblər.

Sevinc Əliyeva
Ordu.az