Fransanın “Teledyne” şirkəti özünün yeni kiçik insansız quru platforması SUGV 325-i təqdim edib

2024/06/1719035681.jpg
Oxunub: 926     16:09     22 İyun 2024    
Fransada yerləşən Pilotsuz Uçuş Aparatı (PUA) istehsalçısı “Teledyne FLIR Defense” Parisdə keçirilən hərbi sənaye sərgisində özünün yeni kiçik insansız quru platforması SUGV 325-i təqdim edib.

Ordu.az xəbər verir ki, Parisdə keçirilən hərbi sənaye sərgisində nümayiş etdirilən SUGV 325 sökülən və mobil yerləşdirmələr üçün fərdiləşdirilə bilən portativ platforma kimi təqdim edilir.

Məlumata görə, çəkisi təqribən 9,1 kiloqram olan platforma pilləkənlərdən və mürəkkəb ərazilərdən keçən piyadalar üçün “tək adam daşıma” xüsusiyyətinə malikdir.

Möhkəm sistem özündə yüksək ayırdetməli və uzun dalğalı infraqırmızı sensorlar, 360 dərəcə kameralar, 30x optik yaxınlaşdırma, ikitərəfli radio və operatorlara mürəkkəb tapşırıqları yerinə yetirməyə imkan verən geniş hərəkət diapazonuna malik robot qolu birləşdirir.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Fransa   Teledyne  


Bizi "telegram"da izləyin