Hərbi Qənimətlər Parkına mediatur təşkil edilib - FOTOLAR

2024/06/ab88b-1718440553.jpg
Oxunub: 890     12:34     15 İyun 2024    
15 İyun - Milli Qurtuluş Günündə Müdafiə Nazirliyinin təşkilatçılığı ilə Hərbi Qənimətlər Parkına mediatur təşkil edilib.

Bu barədə Ordu.az-a Müdafiə Nazirliyindən məlumat verilib.

Media nümayəndələri Xocalı rayonunda aşkar edilən Ermənistan silahlı qüvvələrinə məxsus "2K11 Kruq" zenit-raket kompleksi ilə tanış olublar.

Hərbi ekspertlər qeyd olunan hava hücumundan müdafiə (HHM) sisteminin təyinatı, taktiki-texniki xüsusiyyətləri, eləcə də Vətən müharibəsindən öncə Ermənistan silahlı qüvvələri tərəfindən hansı məqsədlərlə istifadə olunması barədə ətraflı məlumat veriblər.

Qeyd edək ki, Xocalı rayonunda aşkar edilmiş istismara yararlı "2K11 Kruq" zenit-raket kompleksinin tərkibinə daxil olan "1S32" raket tuşlama stansiyası və iki ədəd "2P24" buraxıcı qurğusu ərazidən müsadirə edilərək Bakı şəhərinə gətirilib və “Hərbi Qənimətlər Parkı”nda yerləşdirilib.

Ordu.az

© Materiallardan istifadə edərkən hiperlinklə istinad olunmalıdır

Foto


Teqlər: Hərbi-Qənimətlər-Parkı   Mediatur  


Bizi "telegram"da izləyin