Ordu.az xəbər verir ki, bunu Rusiyanın RBK telekanalına müsahibəsində ölkənin ikinci prezidenti, “Hayastan” blokunun rəhbəri Robert Köçəryan bildirib.

Onun sözlərinə görə, Paşinyan daha da irəli gedərək tarixi hadisələrə yanaşmanı yenidən nəzərdən keçirməyə başlayıb.

“O, sadəcə tarixi yenidən yazmağa çalışır və artıq bunu edir”, - deyə Köçəryan bildirib.

Sabiq erməni prezident qeyd edib ki, Ermənistanın hazırkı hakimiyyət orqanları Avropa İttifaqına üzvlüyün qeyri-real olduğunu çox yaxşı anlayır və faktiki olaraq Rusiyanın yerinə bölgədə Türkiyənin təsirinin güclənməsinə mərc edir.

“Məsələ Avropa İttifaqına üzvlükdə deyil. Məsələ, obrazlı desək, Rusiyanın regional təsirini Türkiyənin regional təsiri ilə əvəz etməkdir”, - deyə Köçəryan vurğulayıb.

Onun fikrincə, Paşinyan qlobal geosiyasi dəyişikliklər və beynəlxalq münasibətlərin əvvəlki modelinin zəifləməsi fonunda Ankara ilə daha sıx əlaqələr qurmağa çalışır.

Alpər Mövludoğlu
Ordu.az