Ordu.az xəbər verir ki, bu barədə “Axios” portalının jurnalisti Barak Ravid ABŞ-nin yüksəkvəzifəli rəsmisinə istinadən məlumat yayıb.

“ABŞ dövlət katibi Marko Rubio son 48 saat ərzində Livan Prezidenti Cozef Aun və İsrailin Baş naziri Netanyahu ilə danışıb və yeni atəşkəs təşəbbüsünü irəli aparmağa çalışıb”, - deyə Ravid “X” sosial şəbəkəsində yazıb.

Jurnalistin həmsöhbətinin sözlərinə görə, yeni təşəbbüs İsrail və Livan arasında davam edən danışıqlar çərçivəsində irəli sürülüb. Vaşinqton danışıqların irəliləməsi üçün ilk addım kimi “Hizbullah” hərəkatının İsrailə qarşı bütün hücumları dayandırmasını təklif edib.

Eyni zamanda İsrailin Beyrutda eskalasiyadan çəkinməsi nəzərdə tutulur. ABŞ rəsmisinin sözlərinə görə, bu addım mərhələli deeskalasiya və hərbi əməliyyatların effektiv şəkildə dayandırılması üçün imkan yaradacaq.

Sevinc Əliyeva
Ordu.az