Ordu.az xəbər verir ki, SEPAH-ın bəyanatı 2026-cı il iyunun 1-də İranın dövlət televiziya və radio şirkəti IRIB tərəfindən “Telegram” kanalında yayımlanıb.

“ABŞ ordusunun Hörmüzqan əyalətində yerləşən Sirik adasına qarşı təcavüzündən sonra SEPAH-ın Aerokosmik Qüvvələrinin qırıcıları bir saat əvvəl həmin hücumun həyata keçirildiyi aviabazaya zərbə endirib və təyin edilmiş hədəflər məhv edilib”, - deyə bəyanatda bildirilib.

Qeyd olunub ki, İran ərazisinə qarşı hücumlar təkrarlanacağı təqdirdə cavab tədbirləri “tamamilə fərqli” olacaq və bütün məsuliyyət ABŞ-nin üzərinə düşəcək.

Xatırladaq ki, ABŞ Silahlı Qüvvələrinin Mərkəzi Komandanlığı həmin gün daha əvvəl İran ərazisindəki obyektlərə zərbələr endirildiyini açıqlamışdı.

Məlumata görə, ABŞ qırıcılarının hücumu nəticəsində İranın hava hücumundan müdafiə sistemləri, yerüstü idarəetmə məntəqəsi və iki zərbə tipli pilotsuz uçuş aparatı məhv edilib.

Sevinc Əliyeva
Ordu.az