Ordu.az xəbər verir ki, xalq arasında kamikadze PUA-sı kimi də adlandırılan “Rogue 1” müxtəlif hədəflərə qarşı dəqiq və ölümcül hücumlar həyata keçirmək üçün nəzərdə tutulmuş, şaquli olaraq buraxılan kiçik pilotsuz uçuş sistemidir.
Məlumata görə, qabaqcıl elektro-optik və “FLIR Boson” 640+ termal kameraları ilə təchiz edilmiş “Rogue 1” misilsiz dəqiqliklə gecə-gündüz kəşfiyyat imkanlarını təmin edir.
“Rogue 1”in uçuş müddəti 30 dəqiqə, orta sürəti 70 km/saat və mənzili 7 km-dən çoxdur.
Kamikadze PUA-sının hərbi əməliyyatlara inteqrasiyası müasir müharibənin inkişaf edən tələblərinə cavab verən təkmilləşdirilmiş universallıq, sağqalma qabiliyyəti və ölümcüllük təklif edir.
Sevinc Əliyeva
Ordu.az
