Fransa HHQ ilk C-130J-30 hərbi nəqliyyat təyyarəsi ilə təmin olunub

2017/12/maxresdefault345345_1514208412.jpg
Oxunub: 605     21:23     25 Dekabr 2017    
2017-ci il dekabrın 22-də Fransa Hərbi Hava Qüvvələrinin Orlean şəhərində yerləşən BA123 aviabazasına ABŞ-dan “Lockheed Martin” şirkətinin istehsal etdiyi C-130J-30 “Super Hercules” orta ölçülü hərbi nəqliyyat təyyarəsi gəlib.

Ordu.az BPMD portalına istinadən xəbər verir ki, bu barədə Fransa KİV-ləri məlumat yayıb.

Təyyarə “Lockheed Martin” şirkəti tərəfindən Mariettdə (Corciniya ştatı) yaradılıb və məhz orada cari ilin noyabrın 22-də ilk uçuşunu həyata keçirib.

Xatırladaq ki, 29 yanvar 2016-cı ildə Fransa Müdafiə Nazirliyinin Baş Silahlanma İdarəsi ABŞ-dan iki ədəd C-130J-30 “Super Hercules”in və iki ədəd KC-130J nəqliyyat-yanacaqdoldurma təyyarəsinin alındığını bəyan edib.

Müqavilənin qiyməti açıqlanmayıb, lakin 10 noyabr 2015-ci ildə ABŞ Müdafə Nazirliyi Agentliyinin Konqresə təqdim etdiyi məlumat vərəqəsində Fransa ilə imzalanan müqavilənin ümumi qiymətinin 650 milyon dollar olduğu bildirilirdi. 4 təyyarənin qiyməti isə 295 milyon dollar olaraq göstərilmişdi.

Ağalar Qəribov
Ordu.az

© Materiallardan istifadə edərkən hiperlinklə istinad olunmalıdır


Teqlər: Lockheed-Martin   C-130J-30   BA123  


Bizi "telegram"da izləyin